پاراستنی زانیارییەکانت ئەرکی خۆتە، پێش ئەوەی کارەسات ڕووبدات، ڕێگری لێ بکە.
لە سەردەمی ئێستادا، مۆبایل و ئەکاونتەکانمان بەشێکی گەورەی ژیانی ئێمەن. بۆ ئەوەی دوور بیت لە دەستی هاککەران و پارێزراو بیت، ئەم هەنگاوە سەرەکییانە جێبەجێ بکە:

١. کاراکردنی (Two-Factor Authentication – 2FA):
ئەمە گرنگترین هەنگاوە! بژاردەی دوو هەنگاوی لە هەموو ئەکاونتەکانت (فەیسبووک، ئینستاگرام، سناپچات، واتسئاپ) چالاک بکە. بەمەش ئەگەر هاککەر وشەی نهێنیەکەشت بزانێت، ناتوانێت بچێتە ناو ئەکاونتەکەت بێ ئەو کۆدەی بۆ مۆبایلەکەت دێت.

٢. وریای لینکە گوماناوییەکان بە:
هەرگیز کلیک لەسەر ئەو لینکە نەناسراوانە مەکە کە لە ڕێگەی نامە (SMS) یان چاتەوە بۆت دێن، تەنانەت ئەگەر بە ناوی خەڵات، دامەزراندن، یان نوێکردنەوەی ئەکاونت بێت. هاککەران زۆرجار لاپەڕەی ساختە دروست دەکەن بۆ دزینی وشەی نهێنیەکەت.

٣. وشەی نهێنی (Password) بەهێز بەکاربهێنە
دووربکەوەرەوە لە بەکارهێنانی ناوی خۆت، ژمارە مۆبایل، یان بەرواری لەدایکبوون.
تێکەڵەیەک لە (پیت، ژمارە، و هێماکان وەک #، $، &) بەکاربهێنە.
بۆ هەر ئەکاونتێک وشەی نهێنی جیاواز دابنێ.

٤. ئەپڵیکەیشنەکانت ئەپدێت بکەرەوە:
کۆمپانیاکان هەمیشە وەشانی نوێ بڵاودەکەنەوە بۆ چاککردنی ئەو کێشە ئەمنییانەی کە هاککەران بەکاری دەهێنن. هەمیشە سیستەمی مۆبایلەکەت و ئەپەکانت بە ئەپدێتکراوی بهێڵەرەوە.

٥. هەرگیز کۆدی پشتڕاستکردنەوە مەدە بە کەس:
هیچ کۆمپانیایەک (وەک تێلیگرام یان واتسئاپ) داوای ئەو کۆدەت لێ ناکات کە بۆ مۆبایلەکەت دێت. ئەگەر کەسێک داوای لێکردیت، دڵنیابە دەیەوێت هاکت بکات.

ئەم پۆستە بنێرە بۆ ئازیزانت تا ئەوانیش پارێزراو بن. 🛡️

Wargerawa